зваротная сувязь
Калі вы заўважылі недакладнасць, ці маеце пытанне - лістуйце:
Будынак
Шыфр
713Г000336
Катэгорыя каштоўнасці
Тып каштоўнасці
Падтып каштоўнасці
Месца знаходжання
г. Мінск, Савецкі раён, вул. Я. Коласа, 21
Датаванне
30-я гады XX ст.
Стыль
постканструктывізм
Апісанне
Вуліца Я.Коласа да 1956 г. называлася Лагойскім трактам. З'яўляецца галоўнай магістраллю ў паўночна-ўсходняй частцы горада. У даваенны перыяд мела ў асноўным малапавярховую драўляную забудову сядзібнага тыпу. У 1950 - 1960 гг. вуліца была забудавана мураванымі 4 - 5-павярховымі дамамі, у 1970-я гг. - 9 - 13-павярховымі. Выключэнне складае комплекс з чатырох жылых дамоў № 19, 21, 25 корп.1 і 27 корп.1, якія ствараюць своеасаблівы горадабудаўнічы ансамбль па вул. Я. Коласа ў квартале, абмежаваным зав. Я. Коласа і вул. Сурганава. У архітэктурным рашэнні фасада жылога дома № 21 выразна выяўляецца яруснае чляненне фасадаў з пацяжэннем ніжняга яруса буйнейшай рустоўкай, акцэнтаванне ў кампазіцыі вуглавой часткі раскрапоўкай фасадаў вуглавога аб'ёму, выкарыстанне лаканічных дэкаратыўных элементаў (гарызантальных цягаў, лапатак, спрошчанага карніза). Цікавымі элементамі з'яўляюцца своеасаблівыя перспектыўныя парталы, якія афармляюць парадныя ўваходы на вулічных фасадах. Мажліва, у 1959 г. будынак быў рэканструяваны ці капітальна адрамантаваны. Дакументацыя на рэканструкцыю і рамонты жылога дома ў пасляваенны перыяд у фондах Беларускага дзяржаўнага архіва навукова-тэхнічнай дакументацыі не выяўлена. Жылыя дамы № 19 і 21 ствараюць сіметрычную кампазіцыю і ўяўляюць узор першых горадабудаўнічых прыёмаў параднага афармлення выездаў на вуліцу.
Сартаваць па