зваротная сувязь
Калі вы заўважылі недакладнасць, ці маеце пытанне - лістуйце:
Будынак
Шыфр
413Г000651
Катэгорыя каштоўнасці
Тып каштоўнасці
Падтып каштоўнасці
Месца знаходжання
Гродзенская вобласць, г. Гродна, вул. Гараднічанская, 20
Датаванне
1904 г.
Апісанне
Будынак па вул. Гараднічанская № 20 - Двухпавярховы атынкаваны цагляны дом, пабудаваны ў стылю мадэрн. У 1910 г. на гэтым месцы адзначаны плац з домам (першы паверх каменны, другі драўляны, крыты дахоўкай) і каменны флігель з боку вуліцы Палявой (сучасная Карбышава). Уладальнікам была пані Макржэцкая. Пасля змены ўладальніка купец Войцэх Паплаўскі зносіць пабудовы і ўзводзіць новы двухпавярховы дом у стылю мадэрн, аднапавярховы флігель быў перабудаваны таксама ў стылю мадэрн. У будынку размяшчаліся гатэль і рэстаран “ROYAL”. У перыяд з 1961 па 1970 гады будынак пераасабсталяваўся пад адміністрацыйныя памяшканні трэста сталовых і рэстаранаў і рэстаран “Гродно”, які ў далейшым быў перайменаваны ў “Белосток”. Высокі цокаль будынка быў абліцаваны колатым палевым камнем, з боку двара размяшчаюцца аднапавярховыя прыбудовы для дапаможных службаў.
Будынак двухпавярховы з сутарэннямi, трапецападобны ў плане, накрыты вальмавым дахам. Сцены атынкаваныя, цокаль бутавы. Вуглавая частка зрэзана, завершана атыкам, тымпан якога аформлены філёнгай. Такім жа атыкам вылучана цэнтральная частка фасада па вул. Гараднічанскай. На першым паверсе прамавугольныя аконныя праёмы размешчаны ў фігурных нішах. Фасадная плоскасць другога паверха дэкарыравана лапаткамі з ляпным дэкорам. Пластыку фасада ўзбагачаюць паўкруглыя балконы з металічнымі складанага малюнка агароджамі. У аздабленні фасадаў выкарыстаны над вокнамі першага паверха ляпныя гірлянды, над праёмамі балконаў другога паверха ляпныя вянкі са стужкамі. Завершаны фасад карнізам значнага вынасу.
Сартаваць па