зваротная сувязь
Калі вы заўважылі недакладнасць, ці маеце пытанне - лістуйце:
Будынак
Шыфр
713Г000082
Катэгорыя каштоўнасці
Тып каштоўнасці
Падтып каштоўнасці
Месца знаходжання
Датаванне
1900-1902 гг.
Стыль
Мадэрн
Апісанне
Жылы дом быў запраектаваны на рагу пляца, Г-падобны ў плане, асноўны трапецападобны аб'ём размешчаны па вул. Старажоўскай. Да тарцовага фасада з боку вул. Старажоўскай была запраектавана невялікая прыбудова з блокам лесвічнай клеткі. Вугал будынка паводле праекта быў скруглены, на першым паверсе ў вуглавой частцы знаходзіўся дзвярны праём, над ім на другім паверсе аконны праём. Фасады былі падзелены міжпаверхавымі і падаконнымі цягамі. У крыле па вул. Аляксандраўскай з краю на вышыню першага паверха была запраектавана праезная арка. Сцяна першага паверха была прарэзана прамавугольнымі аконнымі праёмамі ў ліштвах з падаконнымі нішамі. Прычым, абапал вуглавой часткі па два аконныя праёмы былі шырэйшыя за астатнія. На другім паверсе на чарцяжы паказаны лучковыя вокны з ліштвамі, сандрыкамі і падаконнымі філёнгамі. На фасадзе па вул. Аляксандраўскай налічвалася на першым паверсе 5 аконных праёмаў, на другім - 6. На фасадзе па вул. Старажоўскай на першым паверсе налічвалася 11 аконных праёмаў і адзін дзвярны ў цэнтры фасада, на другім - 12 праёмаў, з якіх два дзвярныя на балконы. Захаваўшыйся да нашага часу вуглавы будынак мае крыху іншае рашэнне фасадаў. Мажліва, карэкціроўкі былі ўнесены ў працэсе будаўніцтва. Архіўныя дакументы, якія б сведчылі аб пазнейшай перабудове дома, не выяўлены. На фатаздымках пачатку 20 ст. можна бачыць, што архітэктурны воблік будынка блізкі да яго цяперашняга стану.
Сартаваць па