Будынак

Чатырохпавярховы з падвалам прамавугольны ў плане будынак. Фасады патынкаваныя і пафарбаваныя, вырашаны стрымана. 

Галоўны фасад сіметрычнай кампазіцыі. Цокаль аддзелены цягай. Яшчэ адзін паясок цягі праходзіць паміж першым і другім паверхамі. Фасадная сцяна першага паверха апрацавана рустам. Прамавугольныя аконныя праёмы падкрэслены карнізнымі паяскамі. У цэнтры фасада размешчаны тры дзвярныя праёмы без дэкору. 

У Вялікую Айчынную вайну будынак гарэў, аднак падлягаў аднаўленню. Асноўныя нясучыя канструкцыі, фундаменты  і асноўная частка сцен захаваліся. Праект аднаўлення ў аб’ёме рабочых чарцяжоў быў распрацаваны ў 1946 г. ў “Белдзяржпраекце” архітэктарам М.Бакланавым і інжынерам А.Шалімавым.