Адпраўлена!

Памылка!

Будынак

Цiкавае

Змест

Звесткі аб каштоўнасці

Шыфр

711Е000001_5_24

_1a463_107

Катэгорыя каштоўнасці

без катэгорыі

Глава

Матэрыяльныя нерухомыя каштоўнасці

Тып каштоўнасці

Помнiк горадабудаўнiцтва Е

Месца знаходжання

г. Мінск, Цэнтральны раён, вул. Ракаўская, 17

Датаванне

1895 г.

Стыль

Эклектыка

Апісанне

Будынак № 17 размешчаны ў гістарычным цэнтры горада, у т.з. Ракаўскім прадмесці. Вуліца Ракаўская з'яўляецца асноўным планіровачным элементам гэтай часткі гістарычнага цэнтра. Найбольш ранняя вядомая па пісьмовых крыніцах назва вуліцы Вялікая Юр'еўская, затым з 19 ст. яна стала называцца вуліцай Ракаўскай. У 1937 г. была перайменавана ў вул. Астроўскага, але ў 1990-я гг. ёй вернута гістарычная назва.

Двухпавярховы з падвалам складанага абрысу будынак. Фасады патынкаваныя і пафарбаваныя. Галоўны фасад сіметрычнай кампазіцыі. Цэнтральная частка фасада вылучана неглыбокім рызалітам. Рызаліт расчлянёны плоскімі стылізаванага іанічнага ордэра пілястрамі, паміж якімі размешчаны высокія паўцыркульныя вокны.