Адпраўлена!

Памылка!

Будынак

Цiкавае

Змест

Звесткі аб каштоўнасці

Шыфр

713Г000225

Катэгорыя каштоўнасці

аб'екты рэгіянальнага значэння

Глава

Матэрыяльныя нерухомыя каштоўнасці

Тып каштоўнасці

Помнiк архiтэктуры Г

Падтып каштоўнасці

Помнiк жылой архiтэктуры

Месца знаходжання

г. Мінск, Маскоўскі раён, вул. Савецкая, 8

Датаванне

1953 г.

Апісанне

Тэрыторыя квартала, у якім размешчаны будынак № 8, пачала інтэнсіўна асвойвацца ў другой палове 19 ст. У першую чаргу, гэтаму паспрыяла будаўніцтва ў 1871 г. Маскоўска-Брэсцкай і ў 1873 г. Лібава-Роменскай чыгункі. Паводле адміністрацыйна-паліцэйскага падзелу г. Мінска ў пачатку 20 ст. квартал атрымаў № 167. Архітэктурна-планіровачная структура квартала сфарміравалася ў канцы 19 - пачатку 20 ст. Участак, на якім ўзведзены будынак № 8, у канцы 19 ст. падзяляўся на два пляцы пад парадкавымі № 7 і 8, якія належалі розным уладальнікам. Пляц № 7 складае паўночна-ўсходнюю палову ўчастка сучаснага дома № 8 (сумежная з домам пад № 12). Паводле архіўных дакументаў у другой палове 19 - пачатку 20 ст. пляцам валодалі Давід і Янкель Фельдманы. Плошча ўчастка складала 360 кв. саж. Каля 1885 г. на пляцы ў глыбіні двара быў пабудаваны драўляны жылы дом, у якім знаходзіліся дзве трохпакаёвыя кватэры. У 1900 г. у двары быў пабудаваны яшчэ адзін жылы змешаны (драўляны на мураваным сутарэнні) дом, у якім у трохпакаёвай кватэры жылі самі гаспадары. Гаспадарчы будынак быў таксама драўляны. Частка пляца ад вул. Захар'еўскай (сучаснай вул. Савецкай) заставалася незабудаванай. У 1917 г., згодна з зацверджанымі гарадской управай праектамі, Фельдманы па лініі вул. Захар'еўскай пабудавалі дзве драўляныя лаўкі. Праект лавак склаў С. Шыф.

Чатырохпавярховы ламаны ў плане будынак накрыты двухсхільным дахам. Фасады патынкаваны і пафарбаваны. На галоўным фасадзе цокаль аддзелены цягай. Паяскі цягаў таксама падзяляюць 2-гі і 3-ці, 3-ці і 4-ты паверхі. Фасадная плоскасць на ўзроўні ніжніх двух паверхаў апрацавана рустам. На першым, другім і трэцім паверхах прамавугольныя аконныя праёмы дэкарыраваны прафіляванымі ліштвамі. Аконныя праёмы на чацвёртым паверсе з арачным завяршэннем, дэкарыраваны высокімі прафіляванымі абрамленнямі, падаконныя прасценкі ўпрыгожаны круглымі ляпнымі элементамі (накшталт медальёнаў без выявы).