зваротная сувязь
Калі вы заўважылі недакладнасць, ці маеце пытанне - лістуйце:
Будынак
Шыфр
713Г000226
Катэгорыя каштоўнасці
Тып каштоўнасці
Падтып каштоўнасці
Месца знаходжання
Датаванне
1898 г.
Апісанне
Тэрыторыя квартала, у якім размешчаны будынак № 12, пачала інтэнсіўна асвойвацца ў другой палове 19 ст. У першую чаргу, гэтаму паспрыяла будаўніцтва ў 1871 г. Маскоўска-Брэсцкай і ў 1873 г. Лібава-Роменскай чыгункі. Паводле адміністрацыйна-паліцэйскага падзелу г. Мінска ў пачатку 20 ст. квартал атрымаў № 167. Участак, на якім знаходзіцца дом пад сучасным № 12, меў парадкавы № 6. Яго ўладальнікамі ў канцы 19 - пачатку 20 ст. былі Анэля Канстанцінаўна Пржэляскоўская, Ізраіль Моўшаў Люблінскі, Брайна Ханонаўна Стучыпская. Забудова пляца была ажыццёўлена Анэляй і Мікалаем Пржэляскоўскімі. У 1898 г. яны прадставілі ў гарадскую ўправу праект на будаўніцтва двухпавярховага з падвалам дома. Праект дома выканаў грамадзянскі інжынер П. Шчарбакоў. Як сведчыць сітуацыйны план участка, прыкладзены да праекта, на той час у двары існаваў драўляны дом, крыты гонтай і драўляны гаспадарчы будынак. Новы мураваны дом быў запраектаваны па лініі вул. Захар'еўскай, складаны ў плане: тарцовы фасад з правага боку будынка быў крывалінейны ( з заломам), з усходняга боку дваровага фасада існаваў невялікі выступ. Хутчэй за ўсё, у даваенны перыяд будынак па-ранейшаму выкарыстоўваўся як жылы дом. У Вялікую Айчынную вайну былы жылы дом Пржэляскоўскіх атрымаў пашкоджанні. Будынак быў адноўлены ў 1948 г. Тут размясціўся цэнтр моды (дом мадэлей). Верагодна, пад час аднаўлення быў надбудаваны трэці паверх, часткова зменены фасады, перароблены аконныя праёмы на першым паверсе і ў несапраўдных бакавых рызалітах, страчаны дэкор фасадаў (аконныя ліштвы, цягі, філёнгі). Галоўны фасад набыў рысы, характэрныя для архітэктуры 1950-х гг. У 1997 - 1998 гг. пад час рамонту паддашша было рэканструявана ў мансардны паверх. У 2003 г. над часткай мансарды зроблена надбудова.
Сартаваць па