зваротная сувязь
Калі вы заўважылі недакладнасць, ці маеце пытанне - лістуйце:
Калі ласка, прадстаўцеся
Як з вамі звязацца?
Увядзіце карэктны email
Пра што вы хацелі даведацца?

Адпраўлена!

Памылка!

Будынак

Шыфр

713Г000027

Катэгорыя каштоўнасці

Тып каштоўнасці

Падтып каштоўнасці

Месца знаходжання

Мінская вобласць, г. Мінск, вул. Валадарскага, 24

Датаванне

пачатак ХХ стагоддзя, 1950-я гады

Апісанне

Тэрыторыя квартала, у якім размешчаны будынак № 24, пачала інтэнсіўна асвайвацца ў другой палове 19 ст. У першую чаргу гэтаму паспрыяла будаўніцтва ў 1871 г. Маскоўска-Брэсцкай і ў 1873 г. Лібава-Роменскай чыгункі. Паводле адміністрацыйна-паліцэйскага падзелу г. Мінска ў пачатку 20 ст. квартал атрымаў № 638. Участак з домам пад сучасным № 24 меў парадкавы № 2. Плошча пляца складала 812 кв. саж. Ён быў сфарміраваны ў пачатку 20 ст. з двух пляцаў. Мураваны чатырохпавярховы прамавугольны ў плане будынак накрыты двухсхільным дахам. Фасады патынкаваныя і пафарбаваныя. Пластыка стрыманая. Галоўны фасад мае асіметрычную кампазіцыю, падкрэсленую трохвугольным франтонам, змешчаным ад цэнтральнай восі ўправа. Тымпан франтона гладкі.Цокаль аддзелены карнізам, першы паверх -- цягай. Будынак № 24 па вул. Валадарскага мае складаную гісторыю будаўніцтва. Складаецца з двух розначасовых трохпавярховых дамоў, узведзеных на пляцы П.Д. Шапіры. Левае крыло будынка было пабудавана ў 1898 г. па праекце Я. Гінзбурга, правае - у 1901-1902 гг., магчыма, таксама па праекце Я. Гінзбурга. У будынках размяшчаліся жаночае вучылішча, затым гімназія, музычнае вучылішча, розныя ўстановы, былі жылыя памяшканні. У выніку пасляваеннай рэканструкцыі 1945-1947 гг. два будынкі аб'яднаны ў адзін аб'ём, над якім надбудаваны 4-ы паверх. Архітэктурны дэкор амаль цалкам страчаны, фасады набылі спрошчанае рашэнне, зменены аконныя праёмы на прамавугольныя. У наступныя гады праводзіліся бягучыя рамонты, значных перабудоў не адбывалася. Часткова ў аконных праёмах заменены аконныя пераплёты. Па матэрыялах даследавання В.Р. Кукуні