зваротная сувязь
Калі вы заўважылі недакладнасць, ці маеце пытанне - лістуйце:
Калі ласка, прадстаўцеся
Як з вамі звязацца?
Увядзіце карэктны email
Пра што вы хацелі даведацца?

Адпраўлена!

Памылка!

Будынак

Шыфр

713Г000292

Катэгорыя каштоўнасці

Тып каштоўнасці

Падтып каштоўнасці

Месца знаходжання

Мінская вобласць, г. Мінск, вул. Ульянаўская, 37

Датаванне

1953 г. - 1958 г.

Апісанне

Будынак праектаваўся і будаваўся як адміністрацыйны Упраўлення беларускай чыгункі. Пад будаўніцтва рашэннем Мінгарвыканкама ад 22.10.1953 г. № 1313 быў адведзены ўчастак плошчай 0,28 га на рагу вул. Свярдлова і Ульянаўскай. 

Праектныя работы выконваліся ў Праектнай канторы беларускай чыгункі. Аўтар праекта архітэктар Г. Я. Марчанка. Праектаванне вялося ў некалькі стадый.

Напачатку ў 1953 г. на падставе тэхнічнага задання, зацверджанага 01.10.1953 г. начальнікам Беларускай чыгункі, і архітэктурна-планіровачнага задання, выдадзенага Упраўленнем па справах архітэктуры г. Мінска 22.10.1953 г., было распрацавана праектнае заданне. 

У архітэктурна-планіровачным заданні прадпісвалася будынак праектаваць пяціпавярховы, архітэктурнае рашэнне прыняць у адпаведнасці з рашэннем усяго квартала, вугал будынка акцэнтаваць, аддзелку фасада выканаць тэразітавай тынкоўкай. У адпаведнасці з праектам планіроўкі і забудовы вул. Свярдлова адміністрацыйны будынак праектаваўся з водступам ад чырвонай лініі вуліцы на 1 м. Участак з боку вул. Свярдлова і вул. Ульянаўскай рэкамендавалася абнесці плотам - металічная рашотка на цагляных слупах. Пры праектаванні адміністрацыйнага будынка была прынята калідорная сістэма з двухбаковым размяшчэннем пакояў.