зваротная сувязь
Калі вы заўважылі недакладнасць, ці маеце пытанне - лістуйце:
Будынак
Шыфр
713Г000047
Катэгорыя каштоўнасці
Тып каштоўнасці
Падтып каштоўнасці
Месца знаходжання
Датаванне
п. ХХ ст.
Стыль
эклектыка
Апісанне
Будынак пад сучасным № 3 складаецца з двух розначасовых частак. Левы тарцовы аб'ём на шырыню пяці аконных праёмаў з'яўляецца ацалелай часткай будынка, пабудаванага на мяжы 19 - 20 ст. Яго ўнутраная сцяна стала фасаднай з боку сучаснай вул. Няміга. Асноўны прамавугольны ў плане аб'ём - будынак пабудаваны ў 1901 г. як жылы дом. Верагодна, падчас рэканструкцыі быў замураваны арачны праезд у двор. У Вялікую Айчынную вайну будынак захаваўся. У 2003 - 2014 г. быў распрацаваны праект рэканструкцыі будынка, і выкананы будаўнічыя работы. Фасады будынка рэстаўрыраваны. Вядома, што ў аднапавярховым, часткова двухпавярховым доме знаходзілася вясельная зала "Парыж". У 1902 г. тут адбыўся першы ўсерасійскі з'езд сіяністаў.
Двухпавярховы прамавугольны ў плане будынак з мансардным паверхам. 3 боку дваровага фасада з паўднёва-ўсходняга краю будынка існуе рызаліт. Пластыка галоўнага фасада па вул. Калектарнай стрыманая, выразнасць дасягаецца рытмам аконных і дзвярных праёмаў. Фасад па вул. Няміга патынкаваны і пафарбаваны, вырашаны асіметрычна. Па гарызанталі падзелены міжпаверхавай цягай. Другі паясок цягі праходзіць пад вокнамі другога паверха. На першым паверсе фасадная сцяна члянёна двума лучковымі аконнымі праёмамі і адным дзвярным без дэкору. На другім паверсе два аконныя праёмы і балкон. Праёмы дэкарыраваны лучковымі сандрыкамі. Завершаны фасад прафіляваным карнізам.
Сартаваць па