зваротная сувязь
Калі вы заўважылі недакладнасць, ці маеце пытанне - лістуйце:
Будынак
Шыфр
713Г000059
Катэгорыя каштоўнасці
Тып каштоўнасці
Падтып каштоўнасці
Месца знаходжання
Датаванне
1916
Стыль
Эклектыка
Апісанне
Будынак пабудаваны на ўчастку, які паводле архіўных дакументаў у канцы 19 ст. належаў купцу К.П.Шумскаму. Участак размяшчаўся на рагу тагачасных вуліц Слабадской (Нова-Серпухаўскай, цяпер Шорнай) і Загараднай (Серпухаўскай, цяпер вул. Караля). У 1903 г. Мінскае павятовае папячыцельства набыла гэты ўчастак з домам і фруктовым садам. У 1905 г. гарадская ўправа дазволіла будаўніцтва на ўчастку будынкаў для прытулку. Будынак прытулку для польскіх бежанцаў па сваім месцаразмяшчэнні і характарыстыках адпавядае дому пад сучасным № 7 па вул. Караля. У плане будынак складаўся з двух аб'ёмаў. У прамавугольным вузейшым аб'ёме, арыентаваным на сучасную вул. Шорную, размяшчаліся лесвічная клетка, санвузлы, кухні, адміністрацыйныя памяшканні. Большы, блізкі ў плане да квадрата, аб'ём, арыентаваны на вул. Караля, быў жылым. Прыкладна з 1922 г. у будынку знаходзілася аб'яднаная прафтэхшкола. У Вялікую Айчынную вайну будынак захаваўся. У якой ступені быў пашкоджаны, звестак не выяўлена. У 1994 г. была ажыццёўлена рэканструкцыя будынка: нанова перакрыты дах, заменены сталярныя вырабы, прыбудаваны порцік на фасадзе па вул. Шорнай і інш. Двухпавярховы ў плане блізкі да літары Т будынак. Накрыты пакатым вальмавым дахам. Пад часткай дома існуе падвал. Фасады абліцаваны чырвонай цэглай пад расшыўку валікам, не тынкаваныя. Цокаль абліцаваны сучаснымі фактурнымі плітамі. Пластыка фасадаў стрыманая, архітэктурны дэкор выкананы ў тэхніцы цаглянай муроўкі.Фасад, арыентаваны на вул. Караля (паўночна-ўсходні), вылучаны з усходняга боку рызалітам. Вуглы рызаліта і асноўнага аб'ёму на ўзроўні другога паверха акцэнтаваны дэкаратыўнымі лапаткамі.
Сартаваць па