Будынак

Чатырохпавярховы амаль П-падобны ў плане з цокальным паверхам будынак рытмічна спалучае рознавялікія аб'ёмы, злучаныя лесвічнымі клеткамі. Падоўжаны фасад па вул. Кірава мае сіметрычнае вырашэнне: цэнтральная і вуглавая часткі размешчаны па адной лініі, прамежкавыя аб'ёмы вылучаны рызалітамі. Бакавыя крылы пабудаваны па тым жа прынцыпе. Фасады вырашаны надзвычай сціпла. Рытм прамавугольных аконных праёмаў розных памераў без абрамленняў адвольны. балконы аформлены простымі агароджамі. першы і чацвёрты паверхі вылучаны карнізамі-перацяжкамі. Уваходы ў кватэры розных частак зроблены з інтэрвалам ў паўпаверха. Унутраная планіроўка вырашана індывідуальна. Санітарныя блокі маюць натуральнае асвятленне. Канструкцыйная схема мяшаная -- з папярочнымі і падоўжнымі нясучымі сценамі і элементамі каркаса.  У гады Вялікай Айчынный вайны будынак быў пашкоджаны пажарам і прамым бомбавым ударам. У 1945-46 гг. архітэктарам Вараксіным выкананы праект аднаўлення будынка пасля пажара ў час Вялікай Айчыннай вайны. Знешні выгляд будынка не прыцярпеў значных змен.