Адпраўлена!

Памылка!

Будынак

Цiкавае

Змест

Звесткі аб каштоўнасці

Шыфр

713Г000222

Катэгорыя каштоўнасці

аб'екты рэгіянальнага значэння

Глава

Матэрыяльныя нерухомыя каштоўнасці

Тып каштоўнасці

Помнiк архiтэктуры Г

Падтып каштоўнасці

Помнiк жылой архiтэктуры

Месца знаходжання

г. Мінск, Маскоўскі раён, вул. Савецкая, 2

Датаванне

1898 г.

Стыль

Эклектыка

Апісанне

Тэрыторыя квартала, у якім размешчаны будынак № 2, пачала інтэнсіўна асвайвацца ў другой палове 19 ст. У першую чаргу гэтаму паспрыяла будаўніцтва ў 1871 г. Маскоўска-Брэсцкай і ў 1873 г. Лібава-Роменскай чыгункі. Паводле адміністрацыйна-паліцэйскага падзелу г. Мінска ў пачатку 20 ст. квартал атрымаў № 167. Участак з домам № 2 меў парадкавы № 11 і належаў купцу Хаіму Меераву Перацу. З гісторыі ўчастка вядома, што раней на гэтым месцы існавалі правіянцкія магазіны (склады). У 1886 г. па кантракту, заключанаму з гарадской думай 7 сакавіка, участак гарадской зямлі атрымаў у арэнду Ефраім Гершэнаў. 13 верасня таго ж года ён пераўступіў пляц Перацам. У 1892 г. Перацы выкупілі зямельны ўчастак ва ўласнасць. У 1895 г. Хаім Перац прадставіў у гарадскую ўправу праект на будаўніцтва мураванага аднапавярховага дома. Дом быў запраектаваны па лініі вул. Захар'еўскай (сучасная вул. Савецкая) на месцы драўлянага, які планавалася знесці. Пасля Вялікай Айчыннай вайны з забудовы ўчастка захаваўся толькі двухпавярховы жылы дом, астатнія вышэйназваныя будынкі былі разбураны, у тым ліку і дваровае крыло дома. У выніку пасляваеннай рэканструкцыі будынак у пэйнай ступені страціў першапачатковы выгляд: замуравана праязная арка з правага боку фасада, страчаны бакавыя франтоны, некаторыя элементы архітэктурнага дэкору. У 2008 г. праведзены капітальны рамонт дома з частковай рэстаўрацыяй фасадаў.