зваротная сувязь
Калі вы заўважылі недакладнасць, ці маеце пытанне - лістуйце:
Будынак
Шыфр
713Г000273
Катэгорыя каштоўнасці
Тып каштоўнасці
Падтып каштоўнасці
Месца знаходжання
Датаванне
1959 г.
Апісанне
Праект будынка Мінскага аблвыканкама быў распрацаваны ў Белдзяржпраекце ў 1953 г. Аўтары праекта В.М. Волчак, галоўны інжынер Сапун, у праектаванні прымаў ўдзел Гімельштэйн. Праектнае заданне распрацоўвалася на падставе планавага і архітэктурна-планіровачнага задання Упраўлення галоўнага архітэтара горада.
Пад будаўніцтва рашэнем Мінгарвыканкама № 673 ад 4 чэрвеня 1953 г. быў выдзелены ўчастак на рагу вул. Энгельса і пл. Свабоды ў ансамблі забудовы тагачаснай Цэнтральнай плошчы (паўночна-ўсходняга яе боку або вул. Энгельса).
Адміністрацыйны будынак вылучаецца манументальнасцю, з’яўляецца прыкладам савецкай архітэктуры з выкарыстаннем ордэрнай пластыкі. Будынак мае цікавыя аб’ёмна-прасторавую кампазіцыю, архітэктурнае рашэнне фасадаў, элементы дэкору (руст, цягі, пілястры з
ляпнымі дэталямі, карніз з дэнтыкуламі, партал з аркатурай), металічныя вароты праездаў.
У інтэр’еры звяртае на сябе ўвагу архітэктурна-дэкаратыўнае аздабленне вестыбюля, фае (пілоны і пілястры з ляпнымі капітэлямі, карнізныя і фрызавыя паясы, ляпныя разеткі), балюстрадная агароджа цэнтральнай лесвіцы, у асобных службовых кабінетах ляпныя разеткі на столі і цягнутыя карнізы.
Сартаваць па