Шыфр
713Г000290
Катэгорыя каштоўнасці
Тып каштоўнасці
Падтып каштоўнасці
Месца знаходжання
Датаванне
1947 г. - 1953 г.
Апісанне
Будынак па вул. Свярдлова, 26 уваходзіць у склад забудовы квартала Прывакзальнай плошчы. Эскізны праект забудовы жылымі дамамі двух кварталаў Прывакзальнай плошчы быў распрацаваны архітэктарамі і інжынерамі Дзяржаўных архітэктурных майстэрняў Камітэта па справах архітэктуры пры СМ СССР (г. Масква) Л. Галубоўскім, А. Карабельнікавым, В. Герашчанкам, Л. Усавай пад кіраўніцтвам члена-карэспандэнта Акадэміі архітэктуры СССР Б.Р. Рубаненкі. Мінскі гарадскі Савет 27 кастрычніка 1947 г. рашэннем № 2253 зацвердзіў гэты праект. 12 лістапада Мінгарвыканкам у мэтах хутчэйшага праектавання забудовы Прывакзальнай плошчы прыняў рашэнне № 2324 "Аб замацаванні за ўстановамі ўчасткаў жылых кварталаў у Прывакзальнай плошчы для далейшага праектавання і будаўніцтва дамоў".