зваротная сувязь
Калі вы заўважылі недакладнасць, ці маеце пытанне - лістуйце:
Будынак
Шыфр
713Г000034
Катэгорыя каштоўнасці
Тып каштоўнасці
Падтып каштоўнасці
Месца знаходжання
г. Мінск, Цэнтральны раён, вул. Замкавая, 28
Датаванне
20-я гг. ХX ст.
Апісанне
Вулiца Замкавая -- адна са старажытнейшых вулiц горада, знаходзiцца ў паўночна-заходняй частцы гiстарычнага цэнтра г. Мiнска. Забудова вулiцы ўваходзiць у межы гiсторыка-архiтэктурнай зоны -- Ракаўскае прадмесце. У сучаснай планiровачнай структуры Мiнска Ракаўскае прадмесце займае невялiкую тэрыторыю ўздоўж вулiц Ракаўскай, Вызвалення, Вiцебскай, Замкавай, Дзiмiтрава, Шпалернай i з'яўляецца адным з прыкладаў прасторавай арганiзацыi горадабудаўнiчага асяроддзя. На гэтым месцы яшчэ ў 12-13 стст. сфармаваўся адзiн з гарадскiх пасадаў, якi ў 16 ст. ужо меў развiтую планiроўку. На цотным баку вулiцы Замкавай захаваўся адзіны будынак № 28. Ён размешчаны з водступам ад чырвонай лініі, ў глыбіні квартала. Найбольш верагодна, будынак быў узведзены з цэглы ў 1920-я гг. У даваенны перыяд па неўдакладненых звестках у доме пэўны час дзейнічала фабрыка дзiцячых цацак, затым быў жылы. Паводле фотаздымка пачатку 1990-х гг. будынак уяўляў сабой двухпавярховы прамавугольны аб'ём з невялiкiмi прыбудовамi. Быў накрыты вальмавым дахам. Фасады вырашаны плоскасна без дэкору, прарэзаны прамавугольнымі аконнымі праёмамі. У 1994-1995 гг. будынак быў рэканструяваны па праекце, распрацаваным у творчай майстэрні С.Г. Багласава. Да яго зроблена прыбудова лесвiчнай клеткi i новага аб'ёму, абсталяваны мансарды. Згодна з праектам рэканструкцыі першы паверх прыстасаваны пад гаражы, на верхнiм - знаходзяцца офiсныя памяшканнi. Будынак з'яўляецца помнiкам шэраговай грамадзянскай архiтэктуры пач. 20 ст.
Сартаваць па