Будынак

Будынак сіметрычнай складанай аб'ёмна-прасторавай кампазіцыі. Мае рысы архітэктуры канструктывізму. Цэнтральны двухпавярховы з цокальным паверхам кубападобны аб'ём на тыльным фасадзе вылучаны выцягнутым па падоўжнай восі скругленым рызалітам. Да цэнтральнага аб'ёму прымыкаюць ніжэйшыя бакавыя крылы, вылучаныя на галоўным і бакавых фасадах невялікімі рызалітамі, акцэнтаванымі невысокімі атыкамі. Завершаны ўсе аб'ёмы пакатымі, амаль плоскімі дахамі. Фасады патынкаваныя і пафарбаваныя. Галоўны фасад цэнтральнага аб'ёму раскрапаваны плоскімі лапаткамі, прарэзаны прамавугольнымі аконнымі праёмамі. Галоўныя і тыльныя фасады бакавых крылаў прарэзаны прамавугольнымі аконнымі праёмамі, змешчанымі ў неглыбокіх нішах. На бакавых фасадах прамавугольныя аконныя праёмы без дэкору.