Адпраўлена!

Памылка!

будынак

Цiкавае

Змест

Звесткі аб каштоўнасці

Шыфр

213Г000614_1

213Г000614

Катэгорыя каштоўнасці

без катэгорыі

Глава

Матэрыяльныя нерухомыя каштоўнасці

Тып каштоўнасці

Помнiк архiтэктуры Г

Падтып каштоўнасці

Помнiк жылой архiтэктуры

Месца знаходжання

Віцебская вобласць, Полацкі раён, г. Полацк, вул. Ніжнепакроўская, 6

Датаванне

ап. чв. ХІХ ст.

Апісанне

Дом № 6 па вул. Ніжнепакроўскай размешчаны на тэрыторыі аднаго з самых старажытных гістарычных раёнаў г. Полацка - Вялікім пасадзе.

Гістарычная забудова дадзенага ўчастка ўяўляла сабой драўляныя жылыя будынкі з гаспадарчымі пабудовамі. Сучасны дом быў узведзены не раней апошняй чвэрці XIX ст. Магчыма таксама звязаць будаўніцтва яго каменнай часткі з будаўніцтвам у к. XIX ст. на другім баку вуліцы Лютэранскай кірхі. Вядома, што на мяжы XIX і XX стст. дом належаў лютэранскаму прыходу: у ім жыў святар кірхі.

Аднапавярховы будынак складаецца з двух частак: мураванай і драўлянай. Накрыты вальмавым дахам. Пад домам цокальны паверх перакрыты скляпеннямі. Фасады мураванай часткі дома патынкаваныя, завершаныя развітым карнізам. Галоўны фасад дэкарыраваны прафіляванымі цягамі, падаконнымі нішамі і складанымі абрамленнямі лучковых аконных праёмаў.

У савецкі час будынак быў прыстасаваны пад адміністрацыйныя функцыі.

У 1970-х гг. у ім размяшчалася домаўпраўленне, у 1990-х гг. будынак належыў фінансава-прамысловай кампаніі і таксама з'яўляўся адміністрацыйным. З 2007 г. будынак быў прыстасаваны пад гандлёвы аб'ект, часткова з захаваннем адміністрацыйных функцый.