Адпраўлена!

Памылка!

будынак

Цiкавае

Змест

Звесткі аб каштоўнасці

Шыфр

213Г000614_2

213Г000614

Катэгорыя каштоўнасці

без катэгорыі

Глава

Матэрыяльныя нерухомыя каштоўнасці

Тып каштоўнасці

Помнiк архiтэктуры Г

Падтып каштоўнасці

Помнiк грамадскай архiтэктуры

Месца знаходжання

Віцебская вобласць, Полацкі раён, г. Полацк, вул. Ніжнепакроўская, 9

Датаванне

канец XIXст.

Стыль

Класіцызм

Апісанне

Дом № 9 па вул. Ніжне-Пакроўскай быў пабудаваны ў канцы XIX ст. З’яўляецца выдатным узорам архітэктуры класіцызму.

Прадстаўляе сабой двухпавярховы з паўпадвальным паверхам прамавугольны ў плане будынак. Паверхі падзелены міжпаверхавай цягай, пад дахам па перыметры будынка праходзіць карнізны пояс, у цэнтры галоўнага фасада з сухарыкамі. На фасадзе з боку вул. Леніна у цэнтры на другім паверсе размешчаны балкон.

Першапачатковае прызначэнне будынка - адміністрацыйнае. Першапачаткова тут размяшчаўся гарадскі банк, а на пачатку ХХ ст. – Полацкае павятовае аддзяленне Віцебскай казённай палаты (казначэйства), пры якім мелася ашчадная каса. У падвальных памяшканнях будынка знаходзіліся сейфы, дзе захоўваліся каштоўныя металы (золата, срэбра) і грошы.

Пасля Кастрычніцкай рэвалюцыі ў 20-я гг. ХХ ст. у будынку дзейнічаў фінансавы аддзел Полацкага павятовага выканкама, пазней – Полацкага райвыканкама.

У савецкі перыяд, амаль да канца 1970-х гг., будынак выконваў адміністрацыйныя функцыі, а на пачатку 1980-х гг. у памяшканнях дома размясціўся швейны цэх камбіната бытавога абслугоўвання. У 1990-я гг. будынак выкарыстоўваўся ў якасці вытворчых цэхаў фінансава-прамысловай кампаніі «ІНВІС».

На сённяшні дзень будынак часова не выкарыстоўваецца.