зваротная сувязь
Калі вы заўважылі недакладнасць, ці маеце пытанне - лістуйце:
Будынак
Шыфр
113Г000018
Катэгорыя каштоўнасці
Тып каштоўнасці
Падтып каштоўнасці
Месца знаходжання
Датаванне
да 1834 г.
Апісанне
Пасля ўваходжання беларускіх зямель у склад Расійскай імперыі пачаліся маштабныя работы па будаўніцтву паштовых дарог і станцый. На іх будаўніцтва, з насельніцтва, збіраўся спецыяльны паштовы збор па 7.5 капейкі срэбрам. Адна з такіх паштовых станцый была пабудавана недалёка ад Брэста, на важным паштовым і тарговым шляху Масква-Варшава. Паштовая станцыя была перабудавана і складалася з трох асноўных двухпавярховых аб’ёмаў: паштовай станцыі, паштамта і казначэйства.
Будынак паштамта ўяўляе сабой складаны ў плане двухпавярховы аб’ём накрыты невысокім вальмавым дахам. Сцены правага крыла вылучаны руставанымі лапаткамі, вокны — вузкімі ліштвамі і шырокімі перамычкамі. Уваход у аперацыйныя залы вырашаны ў выглядзе партала, створанага шырокімім пілястрамі, з трохвугольным франтонам над ім. Будынак вырашаны ў стылі класіцызму.
У пачатку XX ст. паштамт i казначэйства падпалі пад пашырэнне і зліліся ў адзіны будынак. У такім выглядзе будынак дайшоў да сённяшняга часу.
Сартаваць па