зваротная сувязь
Калі вы заўважылі недакладнасць, ці маеце пытанне - лістуйце:
Будынак
Шыфр
713Г000143_5
Катэгорыя каштоўнасці
Тып каштоўнасці
Падтып каштоўнасці
Месца знаходжання
Датаванне
кан. ХІХ - пач. ХХ стст.
Апісанне
Паводле звестак вопісу нерухомай маёмасці кварталаў Мінска ў 1910 г. на пляцы пад парадкавым № 38, які размяшчаўся па зав. Бабруйскім (цяпер не існуе), стаяла шпалерная фабрыка. Гэта быў мураваны двухпавярховы з падвалам і машынным аддзяленнем будынак. Акрамя яго на пляцы існавалі драўляны дом, мураваны і драўляны гаспадарчыя будынкі.
Па месцаразмяшчэнні будынак фабрыкі можна атаясамліваць з будынкам пад сучасным № 38.
У 1912 - 1914 гг. былі зроблены тэхнічныя вопісы і ацэнка будаўнічага кошту фактычна ўсіх фабрык і заводаў г. Мінска. У гэтым дакуменце ўдакладняецца, што на ўчастку № 38 знаходзілася шпалерная фабрыка Маісея Віктара Янкелева Фрыдлянда. На жаль, год будаўніцтва не ўказаны, праект будынка ў фондах Нацыянальнага гістарычнага архіва Беларусі не выяўлены.
Архітэктурнае рашэнне будынка ў пэўнай ступені сведчыць пра яго прамысловае прызначэнне. Пластыка фасадаў даволі лаканічная, прыменены характэрныя для такіх будынкаў перамычкі, цягі, фігурны франтон з круглай люкарнай у складаным абрамленні. Архітэктурны дэкор выкананы ў тэхніцы цаглянай муроўкі.
У пасляваенны час будынак выкарыстоўваўся як адміністрацыйны, цяпер вучэбны корпус БДУ.
Сартаваць па