Будынак

Будынак размешчаны па чырвонай лініі вул. Камсамольскай. Двухпавярховы ў плане блізкі да літары П. Фасады вырашаны спрошчана без дэкору. Галоўны фасад патынкаваны, на першым паверсе прарэзаны прамавугольнымі аконнымі праёмамі, на другім — лучковымі, завершаны карнізам. Асіметрычна, са змяшчэннем ад цэнтральнай восі ўправа, размешчаны праезд у двор. Будынак з’яўляецца адным з нямногіх жылых дамоў другой паловы XIXст., што захаваліся па вул. Камсамолъскай на адрэзку паміж пр. Незалежнасці i вул. Інтэрнацыянальнай. Разам з суседнім домам № 24 прадстаўляе невялікі фрагмент шэраговай гістарычнай забудовы вуліцы другой паловы XIX ст. Разам з тым, служыцъ прыкладам унутрыдваровай забудовы пляца, таму што акрамя асноўнага дома, які стаіць па лініі вуліцы, ацалелі дваровыя флігелі, якія цяпер складаюцъ паўночна-заходняе і паўднёва-заходняе крылы будынка.