Будынак

Будынак па вул. Паўлоўскага № 21 — верагодна, дом Малевіча. Пабудаваны ў 1915 г. Эклектыка. Будынак трохпавярховы прамавугольны ў плане накрыты вальмавым дахам. Цокаль абліцаваны пліткай "кабанчык", фасады непатынкаваныя. Флангі фасада вылучаны руставанымі лапаткамі, завершаны фігурнымі атыкамі, плоскасці якіх дэкарыраваны нішамі. На другім і трэцім паверхах па баках фасада размешчаны балконы з ажурнымі агароджамі. Яшчэ адна пара руставаных лапатак змешчана ад цэнтральнай восі да паўднёва-ўсходняга краю фасада. На будынку размешчана мемарыяльная дошка памяці генерал-палкоўніка М. Паўлоўскага (1903-1960гг.).