Будынак

Будынак па вуліцы Сацыялістычная № 26 пабудаваны ў канцы XIX ст. Складаецца з двух аб’ёмаў: прамавугольнага ў плане з падвалам (асноўнага аб’ёма) і двухпавярховай сучаснай прыбудовы. Будынак двухпавярховы з сутарэннямi, Г-падобны ў плане, накрыты двухсхiльным дахам. 

Фасады патынкаваныя. Галоўны фасад мае сіметрычную кампазіцыю. З абодвух бакоў вылучаны руставанымі лапаткамі, якія фланкіруюць крайнія ваконныя і існаваўшыя на першым паверсе арачныя праёмы. З паўднёвага боку арачны праезд замураваны. Паверхi падзелены цягай.