Будынак

Дом па вуліцы Сацыялістычная № 30 пабудаваны ў 1890 годзе. Да рэвалюцыі ў будынку жыў чыноўнік, які ў 1915 г. схаваў у доме некалькі цікавых рэчаў. Падчас рамонту ў печы дома быў знойдзены скарб — шпага канца XIX ст. і музычная шкатулка.

Будынак двухпавярховы прамавугольны ў плане накрыты двухсхiльным дахам. Фасады былі нетынкаваныя, падчас апошняга рамонту: галоўны і тарцовы фасады патынкаваныя, дваровы зацёрты па цэгле і пафарбаваны. Пластыка фасадаў стрыманая. Галоўны фасад падзелены міжпаверхавай цягай, завершаны карнізам.