Будынак

Будынак па вул. Сацыялістычнай № 32 - дом купца Уладзіміра Крэйцара, пабудаваны ў 1899 годзе, як жылы. Быў двухпавярховы з падвалам і крыты жалезным дахам. У Вялікую Айчынную вайну будынак захаваўся. У 2001-2003 гг. будынак рэканструяваны. Пад час рэканструкцыі, улічваючы нездавальняючы тэхнічны стан, гістарычны будынак быў разабраны і затым адноўлены з новага матэрыялу з захаваннем гістарычнага вобліку. 

Уяўляе сабой прыклад шэраговай жылой забудовы гістарычнага цэнтру г. Гродна.  Будынак двухпавярховы з цокальным паверхам i мансардай прамавугольны ў плане накрыты двухсхiльным дахам. Фасады патынкаваныя і пафарбаваныя. Галоўны фасад мае сіметрычную кампазіцыю, вылучаны трымя несапраўднымі вузкімі рызалітамі.