Будынак

Дом па вул. Урыцкага № 26 — магчыма, дом Кавальскай. Год пабудовы — 1863. У 1920-х гадах перабудаваны ў гарадскі шпіталь у межах праграмы амерыканскай гуманітарнай дапамогі, распрацаванай прэзідэнтам Гуверам. 

Будынак двухпавярховы з сутарэннямi, П-падобны ў плане (паўночнае крыло даўжэйшае), накрыты вальмавым дахам. Фасады патынкаваныя. Асноўны аб'ём, арыентаваны на вуліцу, у цэнтры прарэзаны праезнай аркай. На другім паверсе над аркай навісаў балкон (цяпер страчаны). Галоўны фасад фланкіраваны філянговымі лапаткамі.