Будынак

Дом па вуліцы Леніна № 28 — магчыма, дом Мацкевіча. Пабудаваны на пачатку XX ст.  Двухпавярховы з цокальным паверхам прамавугольны ў плане будынак, накрыты двухсхiльным дахам. Да тарцовага фасада з паўночнага боку прыбудаваны невялікі аднапавярховы аб'ём (крама). Фасады патынкаваныя. Вуглавая паўднёвая частка галоўнага фасада вылучана неглыбокім рызалітам, у якім размешчаны высокі дзвярны праём лучковага абрысу. Фасадная плоскасць крапавана плоскімі лапаткамі, члянёна на цокальным паверсе прамавугольнымі аконнымі праёмамі без дэкору, на першым паверсе -- лучковымі аконнымі праёмамі, на другім -- арачнымі вокнамі, падкрэсленымі падаконнымі карнізнымі паяскамі.