Будынак

Будынак па вуліцы Маладзёжная № 7 пабудаваны ў 1910 годзе з выкарыстаннем элементаў эклектыкі. Будынак двухпавярховы з сутарэннямi Г-падобны ў плане. Асноўны аб'ём накрыты двухсхільным дахам, бакавое крыло -- аднасхільным дахам. Фасады патынкаваныя. Галоўны фасад фланкіраваны лапаткамі. Па гарызанталі падзелены міжпаверхавай і падаконнымі цягамі. На першым паверсе прамавугольныя аконныя праёмы без дэкору, на другім паверсе -- лучковыя вокны ў прафіляваных ліштвах.