Будынак

Забудова ажыццяўлялася паводле зацверджанага ў 1946 г. генеральнага плана аднаўлення і развіцця г. Мінска, яго карэкціроўкі ў 1951 г., а таксама паводле праекта дэталёвай планіроўкі і забудовы раёна Даўгабродскай вуліцы, распрацаванага ў 1953 г. Жылы дом № 9 пабудаваны пазней, у 1958 г. У гэты час пачалася барацьба з празмернасцямі ў архітэктуры, што наклала адбітак на архітэктурнае рашэнне фасадаў будынка. 

На галоўным фасадзе ўсталяваны мемарыяльныя дошкі Генадзю Іванавічу Цітовічу, беларускаму музыказнаўцу, этнографу, народнаму артысту СССР, які жыў у гэтым доме з 1959 па 1986 гг., і Анатолю Грачанікаву, беларускаму паэту, лаўрэату дзяржаўнай прэміі Беларусі, які жыў у доме з 1969 па 1991 гг.