Адпраўлена!

Памылка!

Будынак

Цiкавае

Змест

Звесткі аб каштоўнасці

Шыфр

713Г000321

Катэгорыя каштоўнасці

аб'екты рэгіянальнага значэння

Глава

Матэрыяльныя нерухомыя каштоўнасці

Тып каштоўнасці

Помнiк архiтэктуры Г

Падтып каштоўнасці

Помнiк жылой архiтэктуры

Месца знаходжання

г. Мінск, Цэнтральны раён, вул. Камсамольская, 26

Датаванне

1937 г.

Стыль

Постканструктывізм

Апісанне

Будынак узведзены ў 1937 г. па праекце архітэктара Н.М. Макляцовай. Будаваўся жылы дом на свабодным ад забудовы месцы.

Над праектам чатырохпавярховага 24-х кватэрнага жылога дома Н.М. Макляцова працавала ў 1934 – 1936 гг. у інстытуце “Белдзяржпраект”. У 1936 г. яна распрацавала трохкватэрную секцыю, якая лягла ў аснову тыпавога праекта 24-кватэрнага жылога дома. Па гэтым праекце быў пабудаваны жылы дом на вул. Камсамольскай, а таксама жылыя дамы ў Мінску на вул. Казлова, 15, вул. Я. Коласа, 25 корп. 1, 27 корп.1, у Гомелі, Магілёве, Рэчыцы, Барысаве і інш. Будынкі нязначна адрозніваюцца архітэктурнымі дэталямі.

У той перыяд архітэктары Беларусі пачалі больш увагі надаваць мастацкаму вобразу жылых дамоў. У архітэктурным рашэнні фасадаў прымяняліся вертыкальныя і гарызантальныя чляненні, пластычныя элементы.

У Вялікую Айчынную вайну жылы дом захаваўся. У якой ступені быў пашкоджаны, звестак не выяўлена. Відаць, у першыя пасляваенныя гады быў адрамантаваны, таму што на плане Мінска 1947 г. будынак пазначаны як чатырохпавярховы мураваны без паметак, што гэта каробка або руіна.

Падчас рамонту ў 2010 г. на галоўным фасадзе цокаль быў абліцаваны шэрымі гранітнымі плітамі.