Будынак

Будынак з'яўляецца прыкладам грамадзянскай архітэктуры другой паловы 1950-х гг. Чатырохпавярховы з падвалам складанай аб'ёмна-прасторавай кампазіцыі будынак. У сувязі з паніжэннем рэльефу ніжні паверх трактаваны як цокальны. У плане будынак блізкі да літары П. Накрыты вальмавым дахам. Фасады патынкаваныя і пафарбаваныя, пластыка стрыманая. Галоўны фасад арыентаваны на вул. Кірава. Мае сіметрычную кампазіцыю. У цэнтры размешчаны галоўны ўваход, прамавугольны дзвярны праём якога аформлены прафіляваным парталам.