Шыфр
713Г000374
Катэгорыя каштоўнасці
Тып каштоўнасці
Падтып каштоўнасці
Месца знаходжання
г. Мінск, вул. Першамайская 17
Апісанне
Будынак 4 - 5-ці павярховы з падвалам, складаны ў плане, накрыты пакатым вальмавым дахам. Галоўны фасад патынкаваны і пафарбаваны, цокаль аддзелены карнізнай цягай. Цокаль і фасадная сцяна на вышыню ніжніх трох паверхаў апрацаваны рустам. Пяціпавярховы аб'ём жылога дома мае сіметрычную аб'ёмна-прасторавую кампазіцыю з двума заломамі на флангах. Будынак праектаваўся і будаваўся як жылы дом інструментальнага завода. Праектныя работы выконваліся ў інстытуце "Белдзяржпраект". Першапачаткова ў адпаведнасці з распрацаваным у 1947 г. праектам забудовы квартала жылымі дамамі інструментальнага завода ў 1948 г. да праектавання жылога дома на рагу вуліц Першамайскай і Галантарэйнай (з 1956 г. вул. З.Бядулі) прыступіў архітэктар Я.Шапіра. Будынак праектаваўся чатырохпавярховы з акцэнтам вугла ў пяць паверхаў. Першы паверх трактаваўся як цокаль, апрацаваны буйным рустам, фасад верхніх трох паверхаў рашаўся з эркерамі і балконамі. На першым паверсе ў крыле па вул. Галантарэйнай быў запраектаваны магазін. Аднак на стадыі праектнага задання праектаванне жылога дома было прыпынена і адноўлена толькі ў 1952 г. пад кіраўніцтвам архітэктара Э.М.Гальдштэйна, інжынерам праекта быў Зыбіцкер. Э