Будынак

Забудова вул. Кастрычніцкай уваходзіць у зону гістарычнай планіроўкі і забудовы г. Кобрына. 

Будынак №1 па вул. Кастрычніцкай быў пабудаваны ў 1910 г. з чырвонай цэглы. Згодна з навуковай даведкай «Вуліцы Кобрына», вул. Кастрычніцкая ў гэты перыяд называлася вул. Мяшчанскай і ў далейшым неаднаразова пераназывалася. 

Першапачатковае прызначэнне будынка невядома, але па фотаздымку пач. XX ст. можна выказаць здагадку, што будынак меў грамадскае значэнне, магчыма ў ім размяшчаліся гандлёвыя ўстановы (крамы) або рамесныя майстэрні. 

Праведзеная ў 90-х гг. XX ст. частковая рэканструкцыя будынка, невялікая прыбудова да яго з паўночна-ўсходняга боку істотных зменаў у архітэктуру будынка не ўнеслі.