Будынак

Будынак па вуліцы Леніна, 35 трохпавярховы, цагляны, цэнтральная частка галоўнага фасада выдзелена рызалітам.  У архітэктурнай пластыцы злучаны рысы класіцызму і неарускага стылю. Пабудаваны ў канцы ХІХ  - пачатку ХХ стст. купцамі Гурэвічамі як жылы дом з гандлёвымі і адміністрацыйнымі памяшканнямі (часткова быў заняты жыхарамі, а ў астатніх памяшканнях размяшчаліся прагімназія Чарнавой, камерцыйнае вучылішча Каленчука і Хабаса, зубалячэбны кабінет і гандлёвыя лаўкі на першым паверсе). За гады Першай сусветнай і Грамадзянскай войн будынак быў заняты воінскімі часцямі, інтэрнатам сясцёр міласэрнасці Дзіцяча-сельскага шпіталя. У наступныя гады дом эксплуатаваўся навучальнымі ўстановамі горада: 6-я, 43-я, 45-я школы і школа рабочай моладзі імя Вінчэўскага. У гады акупацыі Віцебска нямецка-фашысцкімі захопнікамі будынак практычна не пацярпеў. Адноўлены будынак быў у 1946 годзе. У пасляваенны час эксплуатаўся рознымі ўстановамі абласнога і гарадскога ўзроўню.