зваротная сувязь
Калі вы заўважылі недакладнасць, ці маеце пытанне - лістуйце:
Калі ласка, прадстаўцеся
Як з вамі звязацца?
Увядзіце карэктны email
Пра што вы хацелі даведацца?

Адпраўлена!

Памылка!

Будынак

Шыфр

213Г000049_9

Катэгорыя каштоўнасці

Тып каштоўнасці

Падтып каштоўнасці

Месца знаходжання

Віцебская вобласць, г. Віцебск, вул. Леніна, 72

Датаванне

к. ХІХ - пач. ХХ ст.

Апісанне

Будынак №72 па вул. Леніна знаходзіцца ў Левабярэжным гістарычным раёне горада. Тэрыторыя дзе быў пабудаваны будынак у пачатку XIX cт. знаходзілася за гарадской мяжой, дакладней паміж горадам і сёламі Пескавацік і Баркаўшчызна.

Дом быў узведзены ў канцы 1890-х гадоў як аднапавярховы мураваны дваровы флігель. 

Будынак быў размешчаны ў глыбіні двара за драўляным жылым домам. Пасля пажару ў ліпені 1901 г. флігель быў адноўлены, аднак ужо са значнымі пераробкамі вонкавага выгляду: быў надбудаваны другі паверх, павялічаны агульны аб'ём будынка, зменены галоўны фасад. З вялікай доляй верагоднасці можна меркаваць, што менавіта пасля перабудовы 1901 г. дом набыў той выгляд, што мае і зараз.

Зараз будынак складаецца з трох злучаных паміж сабою прамавугольных у плане аб'ёмаў (паўднёвы аб'ём быў зроблены літаральна ў апошнія гады). Галоўны 2-х павярховы аб'ём будынка накрыты двухсхільным дахам. Фасад атынкаваны. Пад двума вокнамі другога паверха размяшчаўся балкон, які зараз страчаны.