Адпраўлена!

Памылка!

Будынак

Цiкавае

Змест

Звесткі аб каштоўнасці

Шыфр

413Г000517

Катэгорыя каштоўнасці

аб'екты рэгіянальнага значэння

Глава

Матэрыяльныя нерухомыя каштоўнасці

Тып каштоўнасці

Помнiк архiтэктуры Г

Падтып каштоўнасці

Помнiк грамадскай архiтэктуры

Месца знаходжання

Гродзенская вобласць, Слонімскі раён, г. Слонім, вул. Купалы Я., 5

Датаванне

1905 г.

Стыль

Мадэрн

Апісанне

Цагляны двухпавярховы будынак №5 па вул. Я. Купалы пабудаваны ў 1905 г. у стылі мадэрн. Займае астраўное становішча ў забудове гэтай вуліцы. Адпаведна ўчастку забудовы план дома атрымаў трапецыяпадобную канфігурацыю.

Фасады будынка маюць інтэнсіўную крапоўку і архітэктурна-дэкаратыўную апрацоўку. Арнаментальнай цаглянай кладкай дэкарыраваны ліштвы прамавугольных аконных праёмаў, карнізы з сухарыкамі, лапаткі, франтон. Франтон фігурнага абрысу, фланкіраваны вежачкамі. Тымпан прарэзаны дзвюма люкарнамі, над імі ў круглым абрамленні пазначана дата - 1905. Над галоўным уваходам навісае балкон на літых ажурных кранштэйнах.

Архітэктурна-дэкаратыўная трактоўка будынка, якая дасягаецца сродкамі майстэрскай цаглянай муроўкі, складаная канфігурацыя плана - характэрныя асаблівасці грамадзянскага будаўніцтва пачатку XX ст. Планіроўка дома зменена. Сучаснай прыбудовай злучаны з суседнім двухпавярховым будынкам.