зваротная сувязь
Калі вы заўважылі недакладнасць, ці маеце пытанне - лістуйце:
Калі ласка, прадстаўцеся
Як з вамі звязацца?
Увядзіце карэктны email
Пра што вы хацелі даведацца?

Адпраўлена!

Памылка!

Будынак

Шыфр

213Г000070_1

Катэгорыя каштоўнасці

Тып каштоўнасці

Падтып каштоўнасці

Месца знаходжання

Віцебская вобласць, г. Віцебск, вул. Савецкай Арміі, 4

Датаванне

кан. 19 ст.

Стыль

эклектыка

Апісанне

Будынак знаходзіцца ў правабярэжным гістарычным квартале горада. Правабярэжная частка, або Задзвінне, у канцы 18 ст. уяўляла сабой прыбярэжную паласу забудовы з дробнымі кварталамі і вуліцамі, арыентаванымі ўздоўж і перпендыкулярна Дзвіне. Задзвінне пачало асабліва хутка развівацца пасля 1861 г., калі праз Віцебск была пракладзена Пецярбургска-Варшаўская (ці Рыжска-Арлоўская) чыгунка. Тут пабудавалі чыгуначны вакзал, вакол якога сфарміравалася манументальная мураваная забудова. Двухпавярховы прамавугольны ў плане будынак накрыты вальмавым дахам з люкарнай на галоўным фасадзе. Пад часткай будынка існуе падвал. Фасады патынкаваны і пафарбаваны. Па перыметры падзелены міжпаверхавай цягай, завершаны карнізам. Першапачатковы выгляд будынка ў пэўнай ступені зменены. Галоўны фасад на першым паверсе перабудаваны, перабіты аконныя і дзвярныя праёмы (цяпер замураваны). На 2-м паверсе прамавугольныя аконныя праёмы ў простых ліштвах з прамымі сандрыкамі. Да тыльнага фасада прымыкаюць дзве розначасовыя і рознавялікія прыбудовы: уздоўж фасада аднапавярховая прыбудова з надбудаваным ніжэйшым за асноўны аб'ём невялікім тамбурам з лесвіцай і перпендыкулярна размешчаны аднапавярховы корпус былой майстэрні. Аконныя праёмы на другім паверсе асноўнага аб'ёму без дэкору, аформлены клінчатымі перамычкамі. Бакавы паўночна-заходні фасад глухі. На бакавым паўднёва-ўсходнім фасадзе на першым паверсе аконныя і дзвярны праёмы замураваны, на другім паверсе прамавугольныя аконныя праёмы без ліштваў.