Адпраўлена!

Памылка!

Будынак

Цiкавае

Змест

Звесткі аб каштоўнасці

Шыфр

313Г000076

Катэгорыя каштоўнасці

аб'екты рэгіянальнага значэння

Глава

Матэрыяльныя нерухомыя каштоўнасці

Тып каштоўнасці

Помнiк архiтэктуры Г

Падтып каштоўнасці

Помнiк грамадскай архiтэктуры

Месца знаходжання

Гомельская вобласць, г. Гомель, вул. Савецкая, 22

Датаванне

1903 г.

Стыль

Неакласіцызм

Апісанне

Будынак мураваны двухпавярховы Г-падобны ў плане. На вуліцу Савецкую выходзіць вузкім фасадам, які сіметрычна падзяляецца на тры часткі чатырма пілястрамі з капітэлямі карынфскага ордэру. Дах металічны, адна- і двухскатны. Па звестках старажылаў Гомеля і архіўных дадзеных у дарэвалюцыйны час у гэтай частцы вуліцы знаходзіліся кандытарскі магазін, кафэ (рэстаран) і гасцініца, якія належылі І.В. Яскульскаму. Хутчэй за ўсё, апісываемы будынак быў менавіта кафэ (рэстаранам). Гэта быў будынак, узведзены ў стылі мадэрн. Ён меў асіметрычную кампазіцыю. Наяўнасць у дэкаратыўным картушы на фасаде будынка даты — 1903, дазваляе дакладна датаваць яго. З вялікай доляй верагоднасці можна аднесці яго аўтарства да С.Д. Шабунеўскага - гарадскога архітэктара таго часу. У гады Вялікай Айчыннай вайны будынак значна пацярпеў. Пад час пасляваеннага аднаўлення і рэканструкцыі помнік страціў рысы мадэрна, набыў сіметрычную кампазіцыю і стылявыя асаблівасці так званага “сталінскага ампіру”, для якога было характэрна выкарыстанне класіцыстычных матываў. Ён істотна павялічыўся ў бок двара, дзе ў 1978 г. узведзены 2 прыбудовы. З моманту свайго аднаўлення ў 1953 г. выкарыстоўваўся як рэстаран.