зваротная сувязь
Калі вы заўважылі недакладнасць, ці маеце пытанне - лістуйце:
Будынак банка
Шыфр
413Г000654
Катэгорыя каштоўнасці
Тып каштоўнасці
Падтып каштоўнасці
Месца знаходжання
Датаванне
1931 г.
Стыль
Канструктывізм
Апісанне
Рашэнне аб праектаванні і будаўніцтве новага будынка банка ў Гродна было прынята ў 1927 г. Аднак фінансаванне праектных работ пачалося не раней 1929 г.
У музеі Галоўнага упраўлення Нацыянальнага банка па Гродзенскай вобласці захоўваецца праект на будаўніцтва, выкананы інжынерам Янам Клімашэўскім, датаваны 1930 г. Параўнаўчы аналіз праектных чарцяжоў галоўнага фасада і планаў з існуючым будынкам сведчыць, што банк узведзены ў адпаведнасці з гэтым праектам. Да таго ж на праекце, што захоўваецца ў музеі, пазначана, што будаўнічыя работы распачаліся 10 верасня 1930 г.
У маі 1931 г. у будынку яшчэ выконваліся аддзелачныя работы, аднак казённыя кватэры служачых банка былі ўжо заселеныя. Будаўніцтва было завершана ў жніўні 1931 г.
У Вялікую Айчынную вайну будынак банка ацалеў.
На працягу ўсёй гісторыі свайго існавання будынак выкарыстоўваецца па прызначэнні. Праведзеныя пасля вайны і ў 1996-98 гг. рамонтныя работы не сказілі знешні воблік будынка. Часткова былі зменены інтэр'еры. Захаваўся арыгінальны ўваход у будынак: ганак, абліцаваны гранітнымі блокамі, уваходныя дзверы, дзверы-вяртушка, - вестыбюль, хол, парадная лесвіца, абліцаваныя мармурам, дзверы са шклом і фарнітурай у вестыбюлі, металічная агароджа лесвіц, карнізы ў асобных памяшканнях, камін, абліцаваны белай кафляй і мармурам, тры люстры.
Будынак банка з'яўляецца выдатным помнікам архітэктуры канструктывізму, яго архітэктурна-мастацкія вартасці даволі высокія.
Сартаваць па