Будынак Беларускай акадэміі мастацтваў
Будынак Беларускай акадэміі мастацтваў
Змест
Звесткі аб каштоўнасці
Шыфр
713Г000200
Катэгорыя каштоўнасці
Тып каштоўнасці
Падтып каштоўнасці
Месца знаходжання
Датаванне
1948 г. - 1953 г.
Апісанне
Будынак Беларускай акадэміі мастацтваў першапачаткова праектаваўся як фінансавы тэхнікум. Будаўніцтва вучэбнага корпуса, запраектаванага першапачаткова для фінансавага тэхнікума, было завершана ў 1953 г. У новаўзведзеным будынку размясціўся Беларускі тэатральна-мастацкі інстытут. У канцы 1960-х гадоў узнікла неабходнасць рэканструкцыі існуючага будынка інстытута з мэтай пашырэння вучэбных плошчаў. Так на падставе прынятага Мінгарвыканкомам рашэння ў 1969 г. было зацверджана планавае і архітэктурна-планіровачнае заданне на рэканструкцыю будынка інстытута. У 1970-1975 гг. у інстытуце "Мінскпраект" распрацаваны праект рэканструкцыі. Аўтарамі данага праекта былі архітэктары М. Барсукоў, А. Чараднічэнка і канструктар В. Елісеяў. Праект рэканструкцыі уключаў надбудову пятага паверха, пяціпавярховую прыбудову да галоўнага корпуса па вул. Сурганава, прыбудову і рэканструкцыю сцэнічнай часткі тэатральнага корпуса, перапланіроўку існуючага корпуса. Трэба адзначыць, што па планаваму заданню прадугледжвалася абіванне дэкаратыўнай ляпніны. Рэканструкцыя тэатральнай залы ўключала прыбудову карманаў з тарца тэатральнай залы на вышыню трох паверхаў, над сцэнай -- каласнікоў. Будаўнічыя работы па рэканструкцыі Беларускага тэатральна-мастацкага інстытута былі завершаны ў 1977 г. Будынак Беларускай акадэміі мастацтваў з'яўляецца помнікам савецкай архітэктуры з элементамі класіцызму.
Доступ да аб'екта