зваротная сувязь
Калі вы заўважылі недакладнасць, ці маеце пытанне - лістуйце:
Будынак былога калегіума езуітаў
Шыфр
112Г000536
Катэгорыя каштоўнасці
Тып каштоўнасці
Падтып каштоўнасці
Месца знаходжання
Датаванне
1651 - 1675 гг.
Стыль
Барока
Апісанне
Будынак калегіума пачалі ўзводзіць у 1651 г. Кіраваў будаўніцтвам “архітэктар рамяства малярскага” Матэуш Фалькоўскі. Будаўніцтва першай чаргі (корпус уздоўж ракі) было завершана да 1675 года, другой чаргі ў 1694-1738 гг. Такім чынам пабудова набыла Г-падобны ў плане выгляд.
Фундаменты пад пінскі калегіум найглыбачэйшыя з вядомых у Беларусі сярэднявечных гмахаў - 5 метраў.
Kaлегіум даваў класічную гуманітарную адукацыю. На бясплатнае навучанне прымаліся дзеці незалежна ад саслоўя i не абавязкова каталікі. Пінскі калегіум складаўся з дзвух гімназій 5-ці i 7-мi класнай, г.зн. даваў поўны курс адукацыі. У 1632 годзе ў ім навучалася 40 чалавек; у канцы XVII ст. - 700.
У 1645 годзе адчынена музычная бурса, ў 1694 - аптэка, ў 1727-1735 гг. - друкарня, меліся бібліятэка, шпіталь для бядноты. У 1773 годзе вучэбны корпус перададзены пад школу "Адукацыйнай камісіі". У 1787 г. комплекс займаюць базыльяне, у 1800 г. - Пятрапаўлаўскі праваслаўны манастыр, пры якім з 1848 г. пачынае дзейнічаць духоўнае вучылішча, пераведзенае з Ляданскага манастыра.
Дзейнасць калегіума ўзнавілася ў 1923 годзе, а ў 1939 ён зноў быў зачынены.
Пасля Другой сусветнай вайны будынак належыў ваеннаму ведамству. У 1960-х, пасля рамонту, тут месціліся шматлікія дзяржаўныя i грамадзянскія арганізацыі, карцінная галерэя.
Пасля рэстаўрацыі 1981-1996 гадоў у будынку размясціўся ДУ "Музей Беларускага Палесся".
Сартаваць па