зваротная сувязь
Калі вы заўважылі недакладнасць, ці маеце пытанне - лістуйце:
Будынак былога мужчынскага духоўнага вучылішча
Шыфр
213Г000084
Катэгорыя каштоўнасці
Тып каштоўнасці
Падтып каштоўнасці
Месца знаходжання
Віцебская вобласць, г. Віцебск, вул. Суворава, 44
Датаванне
1890-1892 гг.
Стыль
неакласіцызм
Апісанне
З архітэктурнай спадчыны эпохі капіталізму ў Віцебску найбольшы інтарэс прадстаўляюць будынкі грамадскага прызначэння. Да такіх збудаванняў адносіцца манументальны будынак з рысамі класічнай архітэктуры, які захаваўся на перакрыжаванні вуліц Суворава і Чэхава. Узведзены ён у 1890-1892 гг. паводле праекта епархіальнага архітэктара А.М. Кляменцьева для духоўнага мужчынскага вучылішча. Раней гэта тэрыторыя адносілася да валоданняў купцоў Баруновых. Урачыстая закладка падмуркаў будынка вучылішча адбылася 5 чэрвеня 1890 г. Будынак быў запраектаваны Г-падобны ў плане. 25 верасня 1892 г. у новым будынку пачало дзейнічаць духоўнае вучылішча. У 1918 г. будынак муніцыпалізаваны. У 1922 г. у ім на другім паверсе размясцілася саўпартшкола імя Энгельса, на першым - губземупраўленне. У 1923 г. праведзены рамонт сцен, столі, акон, дзвярэй, печак. У даваенны перыяд, паміж 1926 і 1941 г. быў надбудаваны трэці паверх. Пра знешні выгляд будынка можна меркаваць па абмерных чарцяжах, выкананых у 1950 г. Трэба адзначыць, што сучасныя фасады фактычна адпавядаюць тагачасным. У 1952-1953 гг. будынак адноўлены з прыстасаваннем пад мастацка-графічнае педвучылішча. У 2008 г. праведзены рамонт з рэстаўрацыяй фасадаў.
Сартаваць па