Будынак былога палаца Тызенгаўза
Будынак былога палаца Тызенгаўза
Змест
Звесткі аб каштоўнасці
Шыфр
212Г000577
Катэгорыя каштоўнасці
Тып каштоўнасці
Падтып каштоўнасці
Месца знаходжання
Датаванне
1760 - 1780 гг.
Стыль
Класіцызм
Апісанне
Будынак былога палаца Тызенгаўза знаходзіцца на вул. Савецкай, на правым беразе р. Мядзёлка. Уваходзіў у склад палацава-паркавага ансамбля, будаўніцтва якога было распачата ў 1760-я гг. уладаром Паставаў - падскарбіем ВКЛ, старастай гродзенскім, кіраўніком каралеўскімі эканоміямі на тэрыторыі Беларусі і Літвы графам Антоніем Тызенгаўзам.
У сядзібны комплекс уваходзілі рэгулярны парк, ставы, сад і агарод.
Будынак палаца - аднапавярховы, П-падобны ў плане, з двухсхільнымі дахамі. Цэнтр галоўнага паўночнага фасада вылучаны шасцікалонным тасканскім порцікам. Уваходы ў будынак з паўночнага фасада па пандусе, з усходняга -- з тэрасы. Фасады раскрапаваны лапаткамі, рустам, фрызам, расчлянёны прамавугольнымі аконнымі праёмамі, дэкарыраванымі сандрыкамі і ляпнымі гірляндамі. Планіроўка анфіладная.
На ўсход ад палаца быў разбіты парк пейзажнага тыпу з сістэмай сажалак (плошча каля 10 га). Часткова збераглася алея, якая вяла ад палаца цераз раку Мядзелку да былога драўлянага сядзібнага дома. Агульнае з палацам архітэктурна-дэкаратыўнае вырашэнне мае і гаспадарчы корпус, размешчаны на адной з ім кампазіцыйнай восі.
У паўночнай частцы палаца ў першыя дзесяцігоддзі ХІХ ст. уладальнікам палаца былі размешчаны арніталагічны музей і карцінная галерэя.
У верасні 1939 г. маёмасць Тызегаўзаў-Пшаздзецкіх была нацыяналізавана. У 1941-1944 гг. у палацы размяшчалася нямецкая кавалерыйская частка. Пасля вайны ў 1947 г. палац быў адрамантаваны для ваеннага ведамства. Пры гэтым зменена ўнутраная планіроўка, страчаны элементы ляпнога дэкора. Паводле архіўных матэрыялаў, захоўвалася ўбранства дзвюх залаў. У 1960-я гг. былы палац Тызенгаўзаў прыстасаваны пад бальніцу.
У пачатку 2000-х гг. былі праведзены рэстаўрацыйныя работы па аднаўленню фасадаў будынка. У 2006 г. здзейснена рэканструкцыя паўпадвальнага памяшкання палаца, дзе размясцілася рэтра-кафэ, добраўпарадкаваны ўнутраны дворык палаца з агароджай.
У 2009-2013 гг. праведзена рэканструкцыя падвальных памяшканняў паўночнага крыла палаца. У 2014 г. у адноўленых памяшканнях адкрылася новая экспазіцыя ДУ "Пастаўскі раённы краязнаўчы музей".
Доступ да аб'екта
Доступ да аб'екта
Запыт аб допуску да карыстання рэсурсамі Банка звестак будзе накіраваны ў Міністэрства культуры. Міністэрства культуры прымае рашэнне аб прадастаўленні ці адмове ў прадастаўленні доступа да карыстання рэсурсамі Банка звестак, аб аб'ёме і паўнаце прадастаўляемай інфармацыі. Рашэнне прымаецца на працягу 10 дзён