Будынак былога рэальнага вучылішча
Будынак былога рэальнага вучылішча
Змест
Звесткі аб каштоўнасці
Шыфр
313Г000592
Катэгорыя каштоўнасці
Тып каштоўнасці
Падтып каштоўнасці
Датаванне
1903 - 1907 гг.
Апісанне
Будынак рэальнага вучылішча быў пабудаваны ў 1906 г. У будынку, адным з першых у горадзе, было зроблена паравое ацяпленне.
Двухпавярховы з паўпадвалам Г-падобны ў плане будынак накрыты вальмавым дахам. Вулічныя фасады патынкаваныя і пафарбаваныя, першапачаткова былі абліцаваны чырвонай цэглай. Галоўны фасад мае сiметрычную кампазiцыю з трохпавярховай цэнтральнай часткай, якая вырашана шырокім рызалітам. Флангі фасада вылучаны вузейшымі бакавымі рызалітамі.
Паводле справаздачы за 1916 г. на 1-м паверсе будынка знаходзіліся кватэра дырэктара, прыёмная, яго кабінет, архіў, бібліятэка, пакой для закона Божага рымска-каталіцкага веравызнання, падрыхтоўчыя класы, канцылярыя, фізічны кабінет, хімічная лабараторыя, вучнёўскі шынэльны гардэроб, гімнастычная зала, буфет, парадны вестыбюль і пакой швейцара. На другім паверсе былі наступныя памяшканні: актавая зала ў стылі мадэрн, класы малявання, кабінет інспектара, у вуглавой частцы будынка - царква ў імя Святой Вялікай пакутніцы Варвары. У падвале былі 4 кватэры для служачых, аўтаномная электрастанцыя (дзейнічала ад перагонкі вады), два пакоі для захавання дроў, дзве кладовыя і клазет.
З усталяваннем Савецкай улады у будынку вучылішча размясціліся курсы па падрыхтоўцы выкладчыкаў, затым педагагічны тэхнікум, з 1937 г. -- педінстытут. У час Вялікай Айчыннай вайны будынак гарэў. У 1950-я гг. адноўлены і прыстасаны пад школу. Пад час рэканструкцыі зроблены больш пакатымі дахі, страчаны атыкі і парапеты, вулічныя фасады патынкаваныя. У 1971 г. дабудаваны трохпавярховы блок, які злучыў будынак былога вучылішча з былым жылым домам пачатку ХХ ст.
Доступ да аб'екта
Доступ да аб'екта
Запыт аб допуску да карыстання рэсурсамі Банка звестак будзе накіраваны ў Міністэрства культуры. Міністэрства культуры прымае рашэнне аб прадастаўленні ці адмове ў прадастаўленні доступа да карыстання рэсурсамі Банка звестак, аб аб'ёме і паўнаце прадастаўляемай інфармацыі. Рашэнне прымаецца на працягу 10 дзён