Адпраўлена!

Памылка!

Будынак былога вадзянога млына

Цiкавае

Будынак былога выдзянога млына, выгляд ад ракі Мядзелкі

Змест

Звесткі аб каштоўнасці

Шыфр

212Г000572

Катэгорыя каштоўнасці

аб'екты нацыянальнага значэння

Глава

Матэрыяльныя нерухомыя каштоўнасці

Тып каштоўнасці

Помнiк архiтэктуры Г

Падтып каштоўнасці

Помнiк прамысловай архiтэктуры, гаспадарчы будынак

Месца знаходжання

Віцебская вобласць, Пастаўскі раён, г. Паставы, вул. Чырвонаармейская, 10

Датаванне

др. палова XIX ст., раней 1866 г.

Стыль

Класіцызм

Апісанне

Мураваны млын пабудаваны ў др. пал. ХІХ ст. на месцы былога драўлянага, які згарэў падчас пажару 1815 г. Дата пабудовы мураванага млына невядома, меркавана да 1866 г. Згодна крыніцам, у 1866 г. сярод найбольш значных мураваных пабудоў Паставаў быў названы ў тым ліку і вадзяны млын.

У канцы XIX ст. вадзяны млын быў перабудаваны пад турбінны. Быў прыбудаваны другі паверх, замест вадзяных колаў уладкаваны турбіны (зараз не захаваліся).

На падставе чарцяжоў пастаўскага млына можна вызначыць, што ўзняцце мяшкоў з зернем ажыццяўлялася ў рызалітнай частцы будынка. На 3-м паверсе стаялі машыны для ачышчэння, лушчэння і шатравання зерня. На 2-м паверсе малолі зерне, тут знаходзілася рэшата. На 1-м паверсе ажыццяўлялася прыёмка гатовай прадукцыі. Турбінны механізм знаходзіўся ў цокальным паверсе.

На падставе чарцяжоў і фотаздымкаў пач. XX ст. можна сказаць аб зменах у архітэктурным абліччы будынка. Менш за ўсё змяніліся бакавыя фасады - заходнi, усходні і паўночны (з боку ракі). Галоўнае, што страчана ў бакавых фасадах, гэта парталы ўваходаў. Найбольш пацярпеў галоўны фасад. Страчаны пояс, які аддзяляў першы паверх ад другога.

У 1994 г. пачалася актыўная рэстаўрацыя млына. У 1998 г. у адрэстаўраваным будынку адкрыўся Дом рамёстваў "Стары млын".