зваротная сувязь
Калі вы заўважылі недакладнасць, ці маеце пытанне - лістуйце:
Будынак былога жаночага епархіальнага вучылішча
Шыфр
513Г000016
Катэгорыя каштоўнасці
Тып каштоўнасці
Падтып каштоўнасці
Месца знаходжання
Датаванне
1889 г. - 1892 г.
Стыль
Эклектыка з элементамі неакласіцызма
Апісанне
Магілёўскае жаночае епархіальнае вучылішча было заснавана пры Буйніцкім манастыры ў 1833 г. першапачаткова як прытулак для дзяўчынак сірот духоўнага звання. Паступова на працягу 1840-50-х гг. прытулак з дабрачыннай установы ператварыўся ў асветніцкую. У 1846 г. на тэрыторыі манастыра для вучылішча быў пабудаваны асобны драўляны дом на 8 пакояў з бальніцай. Будынак быў выцягнуты ў плане з мезанінам. У 1872 г. з ростам вучылішча паўстала пытанне аб пераводзе яго ў горад Магілёў. Праект і каштарыс на будаўніцтва вучылішча быў разгледжаны ў Будаўнічым аддзяленні Магілёўскага губернскага праўлення толькі ў 1884 г. Узведзены будынак жаночага епархіальнага вучылішча ў 1889-92 гг. па праекту П. Камбурава і М. Маркава.
Мураваны 3-павярховы П-падобны будынак на высокім цокальным паверсе. Да цэнтральнай часткі далучаны больш кароткія бакавыя карпусы, якія ўтвараюць унутраны дворык. У цэнтры па восі галоўнага ўвахода спачатку размяшчалася царква, злучаная з будынкам крытым пераходам. Цэнтр галоўнага фасада вылучаны неглыбокім рызалітам, завершаным атыкам з 3-вугольным шчытом, 1-ы паверх аддзелены гарызантальнымі цягамі, аздоблены рустам, сцены завершаны карнізным поясам з сухарыкамі. Вокны 1-га і 2-га паверхаў прамавугольныя з плоскімі ліштвамі і замковымі камянямі, 3-га паверха - арачныя, упрыгожаныя сандрыкамі. Планіроўка калідорная, у цэнтральнай частцы былі класныя, у бакавых крылах (маюць самастойныя ўваходы) - жылыя і дапаможныя памяшканні. У будынку размешчаны ліцэй-інтэрнат.
Сартаваць па