Будынак былой бальніцы

Урачыстая закладка лячэбніцы адбылася 8 верасня 1905 года.

У той дзень браслаўскі лекар  С. Нарбут, без сумнення, быў шчаслівым чалавекам – ён атрымаў магчымасць працаваць у добрых умовах. 

Па свайму прамому прызначэнню  лячэбніца выкарыстоўвалася да 1994 г., пакуль у Браславе не пабудавалі сучасны буйны бальнічны комплекс. З сярэдзіны  90-ых г. XX стагоддзя  будынак каля 10 год пуставаў. Але за кароткі час, паўтара года, будынак быў адноўлены і ператвораны ў жаночы манастыр. Ужо ў сакавіку 2006 г. у Свята-Панцялеімонавым скіту прайшла першая служба. У корпусе новага жаночага манастыра пабудаваны дамавая царква, ў імя святога вялікамучаніка Панцялеімона, сестрынскія келлі, трапезная, кухня і падсобныя памяшканні. Хірургічная зала лячэбніцы вельмі цудоўна ператварылася ў алтар. Як быццам доктар Нарбут прадчуваў, што будынак, дзе лечаць цела, стане храмам вылячэння душы.