Адпраўлена!

Памылка!

Будынак былой Мінскай партыйнай школы

Цiкавае

Змест

Звесткі аб каштоўнасці

Шыфр

713Г000130

Катэгорыя каштоўнасці

аб'екты рэгіянальнага значэння

Глава

Матэрыяльныя нерухомыя каштоўнасці

Тып каштоўнасці

Помнiк архiтэктуры Г

Падтып каштоўнасці

Помнiк грамадскай архiтэктуры

Месца знаходжання

г. Мінск, Ленінскі раён, вул. Маркса К., 31

Датаванне

1933 -1938 гг.

Стыль

постканструктывізм

Апісанне

Будынак быў пабудаваны ў 1933 - 1938 гг. па праекце арх. А. Воінава для партыйных курсаў. Уяўляў сабой пяціпавярховы аб'ём з невялікім вынасам бакавых крылаў. Строгі манументальны вобраз будынка быў створаны рытмам здвоеных трохчвэртных калон, якія падтрымлівалі атыкавы паверх. Рытму калон цэнтральнай часткі адпавядалі плоскія лапаткі і суцэльна зашклёныя на вышыню трох паверхаў аконныя праёмы на фасадах бакавых рызалітаў. Галоўны ўваход быў аформлены трыма здвоенымі калонамі і прамавугольным брылем. У даваенны перыяд у ім размяшчалася вышэйшая камуністычная сельскагаспадарчая школа і Камуністычны інстытут журналістыкі імя С. М. Кірава.У Вялікую Айчынную вайну будынак быў пашкоджаны. ЦК КПБ прыняў пастанову аднавіць разбураны ў гады вайны будынак для размяшчэння партыйнай школы і школы прапагандыстаў. Параўноўваючы выгляд будынка на даваенных фатаздымках з сучасным, можна адзначыць, што галоўны фасад пад час аднаўлення быў фактычна захаваны, зменена толькі рашэнне галоўнага ўвахода і аконныя праёмы ў бакавых рызалітах. У 1947 г. будынак партыйнай школы быў адноўлены, у тым ліку і актавая зала са службовымі памяшканнямі. У 1977 - 1978 гг. да дваровага фасада прыбудаваны новы корпус, злучаны з асноўным пераходам-галерэяй (арх. Арх. А. Канстанціновіч). Да 1991 г. у будынку размяшчалася Мінская вышэйшая партыйная школа. Затым распараджэннем СМ БССР будынак быў перададзены Беларускаму дзяржаўнаму ўніверсітэту.