зваротная сувязь
Калі вы заўважылі недакладнасць, ці маеце пытанне - лістуйце:
Будынак былой паліклінікі
Шыфр
712Г000145
Катэгорыя каштоўнасці
Тып каштоўнасці
Падтып каштоўнасці
Месца знаходжання
Датаванне
1928–1932 гады
Апісанне
Вуліца Мяснікова, на якой знаходзіцца будынак былой паліклінікі сфармавалася ў 19 ст. Першапачаткова вуліца называлася Новазахар'еўская, у 1880 г. перайменавана ў Маскоўскую, а ў 1893 г. -- Новамаскоўскую. У 1932 г. была названа ў гонар А.Ф. Мяснікова. Вуліца інтэнсіўна пачала забудоўвацца ў другой палове 19 ст. пераважна жылымі дамамі. Да нашага часу ацалела нязначная частка гістарычнай забудовы, якую складаюць жылыя двухпавярховыя дамы канца 19 -- пачатку 20 ст. Большасць будынкаў была разбурана ў перыяд Вялікай Айчыннай вайны, некаторыя знесены пад час пасляваеннага аднаўлення Мінска. Будынак № 26 быў пабудаваны для амбулаторыі паводле некаторых крыніц у 1928-1933 гг. Пасля Вялікай Айчыннай вайны будынак быў капітальна адрамантаваны. З дакументаў вынікае, што ў гэты перыяд у будынку па вул. Мяснікова, 24 знаходзіліся Цэнтральная паліклініка, дзіцячая паліклініка, станцыя хуткай дапамогі, зубапратэзная майстэрня. Найбольш верагодна, што у гэты час да тарцовай сцяны будынка з боку вул. Няміга была зроблена невялікая прыбудова. Трэба адзначыць, што за гісторыю свайго існавання будынак не прыцярпеў значных перабудоў. Уяўляе сабой Г-падобны ў плане двухпавярховы аб'ём. З боку вул. Мяснікова вуглавая частка скруглена. Гэта распаўсюджаны ў канструктывізме прыём спалучэння прамавугольных і скругленага аб'ёмаў, прымяненнем уваходных рызалітаў. Фасады пазбаўлены дэкору, сцены прарэзаны прамавугольнымі аконнымі праёмамі без абрамленняў. Найбольш складаную канфігурацыю плана і кампаноўку памяшканняў мае паўночна-ўсходні аб'ём. Галоўны ўваход размешчаны з боку вул. Мяснікова, акцэнтаваны рызалітам. Будынак былой амбулаторыі -- адзін з першых на Беларусі спецыялізаваных лячэбных устаноў.
Сартаваць па